Félagarnir Matt og Jay eiga þann langþráða draum að ná stórvinsældum með hljómsveit sinni, Nirvanna. Áætlanir þeirra um að fá gigg á skemmistaðnum Rivoli í Toronto hafa gengið hægt fyrir sig og þolinmæðin á þrotum. Þá breytast horfur skyndilega þegar Matt finnur upp á tímavél fyrir slysni og félagarnir eru óvart orðnir heimsins fyrstu tímaflakkarar. Ætli þeir hafi þá loksins fundið lykilinn að tilvonandi heimsfrægð eða enda þeir á að setja bæði dægurmenningu og heiminn allan á annan endann?

Ekki missa af frumlegustu og rugluðustu grínmynd ársins sem hlotið hefur einróma lof gagnrýnenda víða.